實在精彩！
#鄺大俠
家訪小弟心目中的陳近南……鄺大俠！(第一節)
昨天，為六月的音響展作準備功夫和已預約的客人上門服務，極忙碌，突然接到一個電話，鄺大俠的來電，緊張！馬上接！
大俠：啊東，一陣做乜野？
我：大俠，我一陣約左客，係咪有急事？如果係，我同客講聲，馬上見！
大俠：約左客就去做野，工作要緊！只想叫你黎我屋企聽下野！(我心跳加速)
我：咁約定你聽日可以嗎？
大俠：好！聽日四點！！
心情緊張！小弟因熱愛音響，又無錢買，90年代初入行做音響助理，紅褲仔出身。入行沒多久已聽聞一位高人，鄺大俠！
大俠？叫得大俠，一定功夫了得，又諗，小弟助理一名，唔知幾時可以一睹風彩！
到2006年時，小店初啟業，當中鎖售一部體積細小的合拼機，突然接到一個沒有名字的手機號碼，接聽：啊東嗎？小姓鄺！請問………。過了一段短時間，鄺先生到了，面孔有點熟，但……小弟唔似識得，想想…鄺大俠？問道：請問您是否鄺大俠？
大俠：係呀，你識我咩？
我：唔識，但……無諗過您會到我鋪頭。
心想，鄺大俠？咁平易近人，無架子！
就這樣，認識了鄺大俠。
好崇拜！就好似天地會總陀主一樣，說話直接了當，無多餘的用詞，但一定到位！
之後，大俠間中都有到小店，有一次同小弟講：東，今次擺位唔錯……！😲😲😲
想喊，作為香港音響從業員，得到大俠的讚賞，就好似警察攞紅雞繩一樣！！
上月，大俠致電：東，你係咪有對大YG返左黎，可唔可以聽下？
我：得！時間你定！
到了約定的日子，大俠非常準時，我馬上請他上坐小店的皇帝位，大俠拿出一張自制CD道：試呢隻碟，有曬我想聽既歌！
大俠：東，可唔可以toe out小小……OK,得喇！
結果，原來那張是近年傳說中的"大俠19 cuts",考牌！😰😰😰😰
還好的是，大俠親口對我說：16cuts過關，額頭一大把汗！
Search